翡翠拉麵小籠包

營業中

休息中

翡翠拉麵喺德福商場已經好多年歷史，亦都搬過幾次舖位。我幾喜歡它現在這個店舖裝修風格，同朋友食飯坐得幾舒服。翡翠拉麵我自己一定會嗌的係酸辣湯拉麵，呢度的酸辣湯拉麵非常之多料，味道亦都做得夠正宗，夠濃。不過今次食覺得得辣咗好多，廚師加辣應該重手咗要留意下。翡翠拉麵最特別之處係麵底可以揀唔同嘅麵，而我就發現咗三角麵好好食，因為條麵係三角狀的關係，沾到嘅面汁會更加多，食落比起普通的麵都更有咬感。另外嗌咗一個炒飯，原本冇咩期待，但係竟然覺得幾好食，有陣陣嘅蝦醬味而且飯粒分明，炒得夠乾身。來到翡翠拉麵當然要嗌小籠包，小籠包都做得唔錯，皮薄多汁。見到推介做緊燉湯二十幾蚊，試咗一個，足料又抵飲。