十二鍋 (已結業)

🔺 十二鍋 (佐敦)自從冇再食吉xx 之後，我都一直冇再接觸一人火鍋呢樣野，直至我遇到佢。。。呢到所有一人火鍋set 都係$115, 跟飯/粉絲同埋一杯飲品。就咁睇每個鍋既餸都係大同小異，我覺得主要都係揀你想要咩湯底為主，咁就揀得快d 啦😌😌🔻芝士竹輪壽喜燒 ($115)呢個鍋真係高級版吉xx, 呢到最少都有十款唔同既配料，牛既份量都唔少，再加埋個粗粉絲真係食到反艇😂飲品我就叫阻蜜桃四季春+彩色寒天，有好香蜜桃味，甜度岩岩好，同出面茶飲買$2-30杯差唔多味道，彩色寒天即係蒟蒻。🔻一品酸辣白玉鍋（$115)呢個湯底屬於愈滾愈出味既湯底，所以一開始食d 餸既時候冇乜感覺，跟住愈食愈惹味😋最後連湯都飲埋。飲品叫阻檸檬冬瓜茶，飲落都幾似檸檬薏米水d fd, 稍微比較酸既。🔻夜市雞皮捲（$36)呢個真係必嗌！！超好食！！雞皮炸到勁香口😍入面雞肉勁juice 同啖啖肉又熱辣辣，好正❤️🔻台式麻辣鴨血（$38)呢個麻味比辣味偏強烈，唔係好夠辣，鴨血嫩滑，份量唔太多，同可以再入味d,有待改進😉總結：唔好以為一人邊爐份量好少會唔夠飽，我想講我剩係食晒d 餸已經飽死阻，都仲未食個粗粉絲🙈🙈🛋環境方面d 位