川粤時空時尚小廚

營業中

休息中

川粤時空時尚小廚位於觀塘駿業街工業大廈，餐廳環境舒適，而且有多款不同川菜選擇，鍾意食辣嘅人一定要嚟試試🤩首先想推介嘅係「乾鍋田雞」，上枱見到都好大份，有好多辣椒，我覺得田雞都幾好食，啲肉質比較結實，幾入味同埋都算幾多肉嘅！跟住就係呢款「涼拌皮蛋」冷盤小食，皮蛋晶凝通透，仲要夠辣，而且又有啲青瓜絲減低油膩感，青瓜絲點左辣油都好好味！然後仲有「梅菜扣肉」啲扣肉超正，八分瘦三分肥，入口好鬆軟呀，估唔到仲有啲炸饅頭係旁邊，一次過食哂兩樣嘢！最後就係「涼拌魚皮」，魚皮入口都好爽，仲要好大塊，酸酸辣辣，實在係太吸引啦！