B-mix 燒肉餐酒館 (已結業)

為慶祝終於搬走晒一大堆大型物品，我地當然要食返多啲肉，所以就去食燒肉✔️上樓梯就見到好大嘅龍貓擺設，超開心，即刻同佢地打卡✔️入到去見到好大個屏幕播緊龍貓音樂影片，又要打卡，龍貓音樂令環境氣氛都多份活潑✔️地方唔細，最欣賞座位超高嘅背板，設計好有心思✔️叫咗條鰻魚，第一次自己燒鰻魚，好大好大條，好興奮呀✔️燒鰻魚非常好玩，食落口亦十分彈牙，好鮮香，厚肉到每口都好滿足✔️自己燒嘅鰻魚味道當然要讚好，店員好細心詳細教我地點樣燒會好味，一面燒一面自己搽汁，好有趣✔️除咗超正嘅鰻魚，食燒肉當然要叫牛肉，兩款都好有牛味✔️牛肉配埋自家製燒汁味道更有層次，仲有岩鹽 檸檬汁 同埋 日本醬油，我有時配岩鹽，有時配燒汁，食晒咁多種風味✔️雞肉亦是另一驚喜，好嫰好滑好有雞味，我鐘意加七色粉食✔️豬肉都好肥美，配埋超新鮮嘅生菜，好得！✔️配埋南瓜 雞脾菇 同埋 海苔飯，好平衡✔️百香果茶 同埋 潽梅香 特飲 好靚，又係要打卡啦，兩杯都好特別亦好味，我比較喜歡潽梅香，感覺有啲似我喜歡嘅mojito