影片
更多
2015-10-24
1795 瀏覽
Yoho Mall (形點)貴為元朗新浦點，當然唔少得一d新餐廳。不過講開又講，咁新時代廣場係邊度？新元朗中心個名仲用唔用？幾十個名搞到連的士大佬都亂亂地，睇黎同司機講 Yoho Mall/Midtown 最穩陣。家上海係香港暫時只此一間，走現代化路線，內裡暗沈色調用上彩色花窗作裝飾，不失一點舊味道。入口處可以見到師傅製作食物，有包點、麵類、糕點等，為等候中既食客提供現場娛樂，招數雖舊，但普遍見到都幾受落，不時聚了幾位好奇心重的朋友觀摩一番。茶具頗為精緻，不過容量稍細，3至4人都要成日加水。值得一睇當晚服務員態度友善而且都非常細心，不時留意我地既狀況。其實都唔係第一次黎，而有一樣點心次次都會食，就係脆煎小籠包！今晚就叫左砂鍋雲吞雞（半份），脆煎灌湯小籠包同埋煎小黃魚。初初以為半份砂鍋雲吞雞會少好多，點知都夠起碼4人食。色澤奶白，成個砂鍋都被雲吞佔據住，睇落都覺得足料。湯味道夠，但鮮甜味略有不足，唔知道係咪d菜唔夠甜而令到味道未能完全發揮，可惜可惜。話雖如似，縱使未係上品都足夠令我飲完又添，添完又飲，而且飲完之後一d口渴既感覺都無，相信味精方面大家可以放心。雲吞漲卜卜，餡料絕對唔欺場，屬
不過講開又講，咁新時代廣場係邊度？新元朗中心個名仲用唔用？
幾十個名搞到連的士大佬都亂亂地，睇黎同司機講 Yoho Mall/Midtown 最穩陣。
家上海係香港暫時只此一間，走現代化路線，內裡暗沈色調用上彩色花窗作裝飾，不失一點舊味道。
入口處可以見到師傅製作食物，有包點、麵類、糕點等，為等候中既食客提供現場娛樂，招數雖舊，但普遍見到都幾受落，不時聚了幾位好奇心重的朋友觀摩一番。
茶具頗為精緻，不過容量稍細，3至4人都要成日加水。值得一睇當晚服務員態度友善而且都非常細心，不時留意我地既狀況。
其實都唔係第一次黎，而有一樣點心次次都會食，就係脆煎小籠包！
今晚就叫左砂鍋雲吞雞（半份），脆煎灌湯小籠包同埋煎小黃魚。
初初以為半份砂鍋雲吞雞會少好多，點知都夠起碼4人食。色澤奶白，成個砂鍋都被雲吞佔據住，睇落都覺得足料。
湯味道夠，但鮮甜味略有不足，唔知道係咪d菜唔夠甜而令到味道未能完全發揮，可惜可惜。
話雖如似，縱使未係上品都足夠令我飲完又添，添完又飲，而且飲完之後一d口渴既感覺都無，相信味精方面大家可以放心。
雲吞漲卜卜，餡料絕對唔欺場，屬肉味重而菜偏少。
小籠包蒸好再煎香底層，令小籠包多一個花款，喜愛與否見仁見智，我就幾中意。一啖咬開蒸氣馬上逃跑，我先吸啜湯汁，渺汁滾燙到辣親嘴唇，但中菜大多數都係越熱就越想食，輕輕吹兩口又急不及待要品嚐個小籠包。
湯汁充滿成個小籠包，滿足感100％，食既時候除左平常既口感，仲有一層脆脆感覺夾雜其中，非常過癮。
此外小黃魚未黎得切影相已經被人分屍。煎得香脆而又唔會過份熟，味道鮮又唔過鹹，可以話係洽到好處。
整體黎講家上海俾到我印象都唔錯，食過3次當中 80% 以上食物都非常滿意，服務又細心，所以就算唔係抵食都忍唔住再黎幫襯，特別係個脆煎小籠包，已經係每次必食之選！
張貼
