影片
更多
2019-02-16
158 瀏覽
踏入秋冬，又係打邊爐嘅節奏，約埋成班好耐無見嘅中學同學一齊黎到養心殿打邊爐🍲。位於旺角嘅養心殿都幾易搵，而且預早咗訂枱，所以好快就可以坐低揀野食😋 店員由訂枱開始到你入座，都會貼心提醒你店內只限收現金 🔹酸菜白肉鍋 拼 美人鍋 ($188，鴛鴦鍋計最貴個款)▶酸菜白肉鍋入面有醃製咗嘅大白菜，唔會太酸幾爽口；內有豬王花腩，薄切好快熟，入面仲有彈牙寬條粉，不錯。整體湯底酸酸地，幾開胃。▶美人鍋湯底由杞子、南棗同金華火腿肴制，仲有原隻烏雞浸住，材料好足！湯底第一口飲落幾清甜滋潤，但後期加湯底就有少少鹹咗。🔹手切牛肉(小) $238色澤鮮紅，脂肪比例適中，牛肉好處就係好快熟，朋友都讚肉質不錯！🔹御選梅花豬 $118豬肉雖薄切，食落新鮮同juicy！🔹手工丸類拼盤(12粒) (每款2粒) $108食慢少少都爭啲無得食吖，好受歡迎嘅丸類拼盤，爽口彈牙，讚！🔹嘉美農場雞肉 $108雞肉嫩滑，尚算厚肉，不錯。🔹雜錦蔬菜盤 $68 及即炸脆響鈴 $68菜好新鮮，唔會有爛同污糟。炸響鈴好大件，起初覺得咁大件應該浸3秒都唔夠，但又ok wor！而且太好味，
位於旺角嘅養心殿都幾易搵，而且預早咗訂枱，所以好快就可以坐低揀野食😋 店員由訂枱開始到你入座，都會貼心提醒你店內只限收現金[笑哭]
🔹酸菜白肉鍋 拼 美人鍋 ($188，鴛鴦鍋計最貴個款)
▶酸菜白肉鍋
入面有醃製咗嘅大白菜，唔會太酸幾爽口；內有豬王花腩，薄切好快熟，入面仲有彈牙寬條粉，不錯。整體湯底酸酸地，幾開胃。
▶美人鍋
湯底由杞子、南棗同金華火腿肴制，仲有原隻烏雞浸住，材料好足！湯底第一口飲落幾清甜滋潤，但後期加湯底就有少少鹹咗。
🔹手切牛肉(小) $238
色澤鮮紅，脂肪比例適中，牛肉好處就係好快熟，朋友都讚肉質不錯！
🔹御選梅花豬 $118
豬肉雖薄切，食落新鮮同juicy！
🔹手工丸類拼盤(12粒) (每款2粒) $108
食慢少少都爭啲無得食吖，好受歡迎嘅丸類拼盤，爽口彈牙，讚！
🔹嘉美農場雞肉 $108
雞肉嫩滑，尚算厚肉，不錯。
🔹雜錦蔬菜盤 $68 及即炸脆響鈴 $68
菜好新鮮，唔會有爛同污糟。炸響鈴好大件，起初覺得咁大件應該浸3秒都唔夠，但又ok wor！而且太好味，忍唔住order多一次！
張貼