京林屋 (明宮閣) (已結業)

黎到太古食飽晚飯最岩就係周圍行下搵下有咩甜品好食，行行下我地就入左去京林屋喇 之前係銅鑼灣食過要大排長龍，可能今日係閒日關係，太古呢間分店馬上就可以入座了。雖然岩岩嗰餐食到幾飽，但係眼闊肚窄既我地依舊叫左一份秘制抹茶蕨餅、焙茶餡蜜、抹茶者喱雪糕、抹茶卷蛋糕同埋一杯溫黑豆茶，望落店員個樣都比我地嚇一嚇咁，但大家都覺得甜品係屬於另一個胃溫黑豆茶不得不讚的一杯茶，飲落口黑豆味好出好舒服，飲開其他綠茶各式特飲既朋友不仿可以試下，包你有驚喜~抹茶者喱雪糕經典好好食既綠茶雪糕，喜好綠茶的人作為甜品實在不錯!秘制抹茶蕨餅名不虛傳的必叫之選，蕨餅加上DIY的抹茶粉和黑糖漿，甜度岩岩好，一口抹茶味，唔係熱愛綠茶既朋友都覺得正!焙茶餡蜜 個人感覺就好似焙茶版既抹茶者喱雪糕，無論係者喱定雪糕都好香焙茶味，岩哂本身唔係熱愛綠茶既我!抹茶卷蛋糕蛋糕每一啖都係綠茶味，配合雪糕同白玉黎食又唔會食到好膩，朋友仔非常鐘意!順帶一提，京林屋除左甜品好食之外，其實仲有主食可以order，例如有鰻魚飯同烏冬等，不過我地就未試過喇~ 下次一於早啲去食，咁就晚餐同甜品都可以係同一地方搞掂啦，哈哈