組長日式放題 (已結業)

今天有同事比左2張工展會入場券我，於是放工後就同老公去行下，工展會D野食都幾貴，不期然想起放題，一個價錢任飲任食，來到銅鑼灣區，我就想起了位於駱克道的組長日式放題，是老公生日，女兒請我們去食過，老公讚不絕口說好好食，今天甘岩來到銅鑼灣，一於同老公去食過！加38蚊就可以升級，任食極上刺身，硬係不能錯過，食一樣都吾止尼個數啦！還有火鍋選擇，三人以下可選右邊的一款，四人以上可以選擇左右二樣都可以！設有自助區，加18蚊清酒任飲，甜品、熱飲、汽水啤酒、粥、湯都是自助的。極上刺身拼盤：擺設精美，像一幅美麗的圖畫！刺身好新鮮，我們點了：雪埸蟹腳、特大赤蝦、珍寶帶子、三文魚、油甘魚、馬刀貝、北寄貝和象拔蚌。三文魚、油甘魚肥美，雪場蟹腳、特大赤蝦、珍寶帶子鮮甜，馬刀貝、北寄貝、象拔蚌爽口。南乳雞翼、法式香草羊架肉質嫩滑，芝士焗扇貝惹味，燒新鮮菠蘿酸酸甜甜好醒胃，串燒鰻魚冇骨味濃。辣味螺肉、辣味墨魚仔爽口，章魚小丸子、黃金焗蠔亦不錯！，大蝦天婦羅和蟹棒天婦羅，外脆內爽口，點些天婦羅醬油更好味！三文魚火炙壽司和鰻魚火炙壽司，用火輕輕灼過的三文魚，魚油更香，加左醬汁更惹味！啤酒汽水任飲