影片
更多
2015-09-01
607 瀏覽
被迫返大陸廠兩日一夜，經過三個幾鐘車程終於返到大埔，咁鬼辛苦梗係即刻搵好野食啦！早排聽到朋友間推介許記，呼聲極高，我都要黎親身驗證一下。嘩，單餸湯麵仲維持係 $21 蚊，勁平呀！其他都好抵食，多謝。想試滷水雞中翼但埋晒，傳聞醉雞髀好正，下次。姐姐雖然忙住包雲吞，但都不忘跟食客們打招呼，介紹食物，侍應哥哥都熱情有禮好落力，讚！雖然舖仔細細只有三張小圓枱，不過環境光猛企理，感覺好乾淨，坐得舒服。香草豬扒，無得食雞翼，剛望到有豬扒，試左您先。炸得得好乾爽唔油膩，但略為乾左小小，未夠 juicy。口感屬鬆化微脆形，好有椒鹽豬扒或香茅豬扒影子。香草味濃，整體一般，配魚露應該較為好味，無咁乾，一試無妨。牛腩魚蛋麵走蔥，第一次唔知有咩必食招牌菜，由基本試起先啦。原來許記叫走蔥都會落韮黃架喎，韮黃我都免強頂到，但最好唔無啦。香噴噴清徹湯底，淺嚐試啖，特濃大地魚蝦籽湯底，而且純度極高，比附近既老店魚滑做得更出色！更好味！忍一忍口先，要試埋其他。清甜棉滑牛腩，軟塾又無半點渣，滷水同香料入晒味而不嗆不濁，依然能食到牛腩原始味道。白雪雪又圓又大既魚蛋，食得吓喎。爽彈型魚蛋，魚味突出，但不咸不膩，色香味比學利更
被迫返大陸廠兩日一夜，經過三個幾鐘車程終於返到大埔，咁鬼辛苦梗係即刻搵好野食啦！早排聽到朋友間推介許記，呼聲極高，我都要黎親身驗證一下。嘩，單餸湯麵仲維持係 $21 蚊，勁平呀！其他都好抵食，多謝。想試滷水雞中翼但埋晒，傳聞醉雞髀好正，下次。
姐姐雖然忙住包雲吞，但都不忘跟食客們打招呼，介紹食物，侍應哥哥都熱情有禮好落力，讚！雖然舖仔細細只有三張小圓枱，不過環境光猛企理，感覺好乾淨，坐得舒服。
香草豬扒，無得食雞翼，剛望到有豬扒，試左您先。炸得得好乾爽唔油膩，但略為乾左小小，未夠 juicy。口感屬鬆化微脆形，好有椒鹽豬扒或香茅豬扒影子。香草味濃，整體一般，配魚露應該較為好味，無咁乾，一試無妨。
牛腩魚蛋麵走蔥，第一次唔知有咩必食招牌菜，由基本試起先啦。原來許記叫走蔥都會落韮黃架喎，韮黃我都免強頂到，但最好唔無啦。香噴噴清徹湯底，淺嚐試啖，特濃大地魚蝦籽湯底，而且純度極高，比附近既老店魚滑做得更出色！更好味！忍一忍口先，要試埋其他。
清甜棉滑牛腩，軟塾又無半點渣，滷水同香料入晒味而不嗆不濁，依然能食到牛腩原始味道。白雪雪又圓又大既魚蛋，食得吓喎。爽彈型魚蛋，魚味突出，但不咸不膩，色香味比學利更好呢！平靜正，底食又好味！
男女主角終於出場喇！其實麵同辣椒油先係最重要。好特別既自家辣椒油，重花椒味既辣椒油，好味喎！味道達中辣程度，既香且辣，辣得黎含蓄慢熱。重花椒辣椒油都比魚滑好味，靚野黎喎！
麵質爽口剛剛好，未算過腍，每啖撈上辣椒渣再掛上香甜濃湯，太好味喇，點停得口，搞到有添食既衝動！魚滑賣既係柱侯牛腩，瘦肉且邊位黐滿肥膏，入味而鬆化。但我都係覺得許記好食啲，雖然幫襯左魚滑超過十年喇。下次黎試埋我最愛既牛腩撈粗配腩汁，就可以分出勝負喇。
張貼
