Passion (朗豪坊) (已結業)

星期一中午，約咗朋友食飯，揀咗passion，因為唔駛等位又想食pasta. 點咗個蘆筍蕃茄長通粉、一個菠菜蛋餅。呢個長通粉係色香味俱全，睇落簡單但食落味道有層次，加埋蕃茄乾嘅酸酸味道，好清新，芝士粉同本身嘅醬汁又好配合，食落都唔會覺得好滯，係唔錯嘅午餐選擇。友人點嘅菠菜蛋餅，賣相吸引，菠菜足料，蛋嘅份量亦唔少，食落啖啖蛋香同菠菜味，比pacific coffee嗰d好食好多雖然蛋餅睇落好細件，但食完一件已經夠飽，想食甜品都食唔落喇。總結，食物各有特色，唯獨價錢貴咗d。