Cafe Fabulous

營業中

休息中

有時同男朋友去拍拖，都唔會特別搵啲乜嘢節目！最主要都係想比自己好好咁放鬆一下，搵個地方坐低飲杯嘢食啲嘢休息一下就已經好滿足！於是就去咗呢一間係旺角登打士街廣場上面嘅cafe fabulous😍環境舒適之外，亦都做緊一個好抵食嘅二人餐！我哋今次就叫咗一份芝士黑松露雜菌意大利飯，卡邦尼意粉同埋炸雞翼！整體來講，呢度啲嘢食都幾好味！同埋感受得到係有俾心機去烹調的！黑松露意大利飯好有口感，香味十足！意粉嘅醬汁亦都係好好食！炸雞翼就外脆內軟，依然可以保持雞翼非常多汁！