牛魔 (已結業)

忙裡偷閒嘅感覺，就係喺工作時候，可以放鬆落黎，突然完全專心於自己嘅喜愛。唔洗去海邊，唔係放假去旅行，其實只要一個中午時間，食餐好，就已經可以。🍖食呢個餐，要有少少DIY, 自己去燒肉，要專心燒好個肉，就要拋開午飯前嘅苦惱，然後食既時候就特別津津有味。🍖第一個餐係A4和牛西冷配牛小排，仲加配埋個蟹肉蟹膏生蛋伴飯，兩樣都係薄切，記住一定先食牛小排，肉味超夠，唔使配埋個飯，就咁食已經好yummy。之後先食A4，簡單前後返一返煎幾下，已經油光四溢，而且香味都隨之而來。建議將肉分成一半，同樣地，首先食左個肉既原味，再將另一半加埋個飯一齊食，前後五秒既事，效果大不同。前者主要喺食肉質既柔軟，後者由油份帶出飯同雞蛋嘅香氣。🍖另一個餐係牛舌加埋封門柳，又係薄切既牛舌，果種彈性，令你覺得同隻牛有打車輪嘅感覺。以厚切既封門柳，由於夠厚身，好方便我地自己控制火候，煎到兩邊焦香，再剪開佢，我就自己選擇左，medium rare既程度就攞起，同事就想食熟d，所以就等多一陣，你仲可以將事情掌握自己手中既感覺實在太好！🍺啤啤佢，提早happy hour，爽，無咩補充！✨️星期五，望住呢間餐廳既壁畫，食住好味嘅燒肉，暫