Lagom Kaffe (已結業)

黑松露忌廉蘑菇大蝦意大利粉上菜果刻，望落份量略嫌有啲少 ，大蝦得五隻， 有少少失望。我用叉捲起一小掇意粉。黑松露味撲鼻而來， 食落意粉軟硬適中，帶有好濃沃嘅忌廉味 ，洋蔥爽甜， 蝦肉新鮮彈牙， 一咬蝦肉就可以完整地成隻離殼。 可能因為忌廉汁比較多嘅關係，食完之後竟然覺得啱啱好食飽。西柚冰茶本來要杯望落好靚嘅晴天pig pig, 可惜餐廳嘅棉花糖機壞咗， 整唔到呢杯嘢飲 。於是乎我就點咗杯西柚冰茶,西柚冰茶主要係用西柚汁同埋紅茶配製而成，再加入少許橙嘅切粒同埋西柚嘅切片做點綴， 杯入面有三分之一都係冰塊， 較為細杯。 不過勝在紅茶同西柚汁都幾夾， 飲落唔會話好苦澀。