樂天客棧 (已結業)

去過樂天皇朝兩次，原來奧海城有家樂天客棧，似乎平日很旺，門口設置等位輪號燈箱。又話今晚會打風，今天整天天晴，但果然人人早返家，我可以唔駛等有得食。每日靚湯 $42，竟然係樂天皇朝的燉雞湯，濃到似雞汁，清到似無落鹽，但已經好好味，不過，面頭有層油！家鄉滷元蹄 $138，炆得腍，始終只係塊皮最好味，但食一件已經滯，肉嚡了，汁美味，送麵飯都啱。四大天王 $68手工蝦棗 $68，做得非常好，鯪魚豬肉混合的饀，滑得嚟好咬，大大件有口感，炸得酥脆，配甜酸汁夾。仲點咗砂煲天麻黃酒雞－小 $96，夠酒味，雞滑，有不少薑絲，當湯飲都得。楊枝甘露 $32，價錢唔貴，夠濃料足清甜。煮得有水準，價錢合理，可以再嚟試埋其他。