老上海餛飩舖 (已結業)

今日收工約左班朋友去灣仔修頓睇波，咁睇之前就各自各醫左個肚先。我去完太原街望下d玩具之後，睇玩具睇耐左，發覺時間唔係好夠，咁就食個快啦，見到有間餛飩麵店，好啦，入去啦！睇完個menu, 叫左個金牌雜醬麵再加5隻大餛飩，再加多杯凍檸檬茶。麵好快就黎啦！麵同埋大餛飩係分開上呀！麵幾彈牙，係幼嘅上海麵，最欣赏佢嘅雜醬，幾香口，開胃。到餛飩啦，餛飩係用上紫菜湯，好正，另外餛飩都好足料，皮薄多餡，好快就食完了，下次睇波都會再黎幫襯。