牛繁一人燒肉 (朗晴坊)

營業中

休息中

打算去朗豪坊睇戲又未夠鐘，喺附近閒逛見到呢間一人燒肉店，方便快捷形式又唔貴，份量又可隨意選擇，就去食個快閃燒肉。餐牌有溫馨提示細食者可點100g，可以幫到唔少人解答點餐嘅煩惱~朋友係細食之人，簡單點100 g日本櫻姬雞腿肉加點牛繁卵丼，有半生玉子、仲舖滿紫菜同木魚絲，仲有味噌湯同前菜，加埋都唔駛$100就可以享受燒肉嘅樂趣。我就揀北海道十勝黑毛和牛肩胛套餐，大大片和牛肩胛都係雪花，有6大片咁多肉味香濃又軟淋。追加木屐骨間牛肋肉50g，有咬口又JUICY，份量剛好滿足貪吃又唔敢點太多嘅我~每有客人離開店員就迅速清潔爐頭同換網抹枱，幾有效率。