漁牧 (已結業)

難得一支公喺尖沙咀，本來諗住求其食個沙嗲王算，點知㩒𨋢既時候偶然發現呢間新開既餐廳，於是就入去試下！餐廳裝修十分新淨，應該係剛開業唔係好耐！Set Lunch既選擇都算豐富，前前後後有幾個menu差唔多二十個選擇！黑糖竹蔗冰：跟餐既竹蔗冰用左黑糖取代冇咁健康既糖水，除左更加健康之餘更加唔會好似一般竹蔗水咁甜。不過，唔知係咪因為唔記得叫「少甜」既關係，總係覺得都係甜得濟！水煮牛肉 ($58)：水煮牛肉煮到非常入味，辣得黎帶點麻既味道雖然唔係完全正宗，但係「冇十足都有八九成似」，抵讚！將D汁撈埋加左$8大元upgrade既菜飯簡直開胃到極，認真一流！總括黎講，呢度既午餐性價比真係十分高。下次夜晚有機會一定要試下佢果個「漁牧混豬」招牌菜！