燒味滷師 (成城大廈)

營業中

休息中

疫情無堂食，放工斬料返屋企快靚正又一餐。呢間燒味成日大排長龍，師傅斬料刀工無咩碎骨。必叫上庄至尊燒鵝，上庄肉質瘦d，肉味香d；燒鵝皮夠哂油香，點一點梅醬正到暈。再要多半隻客家鹽焗雞同半斤燒味佬叉燒，唔係好咸嘅雞，雞肉較實淨，半隻無偷雞，有翼有髀。半斤叉燒夠淋夠香，同平時蜜糖叉燒味唔一樣，少了一分甜多了一分咸香，送飯一流。見佢有賣d冷盤，叫左半磅海蜇拼泰式鳳爪泰式鳳爪，味道又唔錯喎，唔算辣酸酸地夠哂醒胃，咁又一餐快靚正。