越北牛肉粉專門店

營業中

休息中

順化湯檬湯底微辣，好開胃，加上大量蔥、芽菜，成個湯都好fresh。配菜有牛腩片、扎蹄、扎肉、牛肉丸，牛腩片軟腍入味，扎肉扎蹄爽口，牛肉丸彈牙仲有啲爆漿。檬粉爽滑，同湯底非常之咁夾。咖喱牛腩湯金邊粉湯底濃郁，咖喱味唔會太重口，味道適中，有小小甜，惹味開胃。牛腩都炆到好腍好入味，金邊粉爽滑，份量都唔少。烤豬頸肉豬頸肉外面烤到金黃香脆，肉質新鮮爽口，味道不俗，份量都幾多，認真抵食。椰汁班蘭糕（2件）造型精緻，上層斑蘭味係花嘅形狀，下面一層係椰汁，味道都ok。薄荷青檸梳打淡淡薄荷味，青檸味好fresh，梳打夠汽，解膩一流。三色鹹檸七鹹鹹甜甜又帶酸，仲有汽，清新冇得輸。