唐記包點 (港鐵元朗站)

營業中

休息中

收咗工之後，今日唔係好想煮飯，經過西鐵站就係唐記包點買咗兩個蒸飯同一啲點心返去二人撐枱腳。買買賣賣全部咁多嘢都$100有找，好抵，其實咁樣仲平過自己煮飯。帶咗一個鳳爪排骨飯同一個章魚肉餅飯，兩個飯都熱辣辣好好味。另外仲叫左一盒燒賣同埋一盒鳳爪。因為我自己個人來講特別鍾意食鳳爪，而我男朋友係超級鍾意食燒賣。跟住驚我男朋友唔夠飽，所以另外再嗌多咗一個菜寶肉包俾佢。可能因為放工時間又喺西鐵站，所以都幾多人買，都要排隊，但係入邊啲姐姐做嘢都好快手所以好快都買完可以返屋企啦。