西香記 (已結業)

今次又要落咗西環整嘢，順便食埋個lunch先番公司！喺德輔道西一帶有好多唔同菜式嘅餐廳，我同朋友就揀咗呢間食陜菜嘅“西香記”，貪佢自助快餐形式，快快食完就番公司做嘢！我同朋友都俾佢個Biang Biang麵吸引咗，因為未食過咁粗身嘅麵，所以我地就點咗個大盤雞Biang Biang 麵，同純手工炸醬Biang Biang 麵，我自己就配咗自家製豆漿！大盤雞Biang Biang係冇湯底，用鐵鍋裝住，所以上到枱都保持到熱度，雞嘅份量亦唔小，味道有少少辣得嚟都幾惹味，至於個純手工炸醬麵，適合鍾意重口味嘅人士，辣度比大盤雞Biang Biang 麵較為辣，啲肉就炆得幾淋身，講番個重點 “Biang Biang 麵”， 真係好粗身，可以話等於平日食嘅山西刀削麵嘅兩倍，口感當然唔錯啦！幾特別！由於見到店內唔少人都點咗佢出名嘅夾饃，我同朋友都點咗一個share嚟食，我地揀咗千層脆皮肉夾饃，陣皮同平時食嘅唔同，平時係好似食再中式麵包嘅感覺，呢個就似中西fusion...個皮似酥皮咁脆，而入面放滿餡料，好full...所以都見到有OL就咁單點當lunch....唔錯！