影片
更多
2010-03-09
本身約左個響九龍灣返工既朋友食晚飯,因為要去HMV,所以就近近地響德福食啦打算都係簡簡單單, 於是朋友就提議一係M記、K記或者赤丸, 我從來未食過赤丸, 於是就決定試下啦以前見到呢間野,一直都以為係一般日本餐廳, 閒閒地80蚊落樓果種,點知朋友同我介紹,原來我諗錯左,睇返餐牌先知原來都OK平,一碗烏冬40零50蚊, 飲品都係8-13蚊左右, 小食D價錢亦正常入去時要等一等位,但都好快,個waiter比定menu我地睇,又叫我地可以坐入去裡面d比人等位既長椅度,都唔錯我地坐吧檯, 落單係自己響order紙上面tick, 但關東煮就要另外同佢叫, 跟住佢整好就會響吧檯裡面遞出黎咁我叫左一碗咖喱牛肉湯烏冬, 朋友就叫左吉列豬扒烏冬, 另外叫左兩件關東煮一齊食咖喱牛肉烏冬都算唔錯, 份量同味道合理啦, 未算好好食, 但醫肚的話就相當OK了朋友個烏冬睇落唔錯,係好少水果種,同我果個浸湯既唔同關東煮好像2件4蚊, 3件7蚊, 4件11蚊咁上下(唔係好記得,可能記錯)因為要SHARE所以我地選左芋絲(1份有2件)同燒墨魚丸(有3粒,不過當然係細細粒啦,4蚊你想要幾大粒?), 關東煮似乎好難會唔好食,
打算都係簡簡單單, 於是朋友就提議一係M記、K記或者赤丸, 我從來未食過赤丸, 於是就決定試下啦
以前見到呢間野,一直都以為係一般日本餐廳, 閒閒地80蚊落樓果種,點知朋友同我介紹,原來我諗錯左,睇返餐牌先知原來都OK平,一碗烏冬40零50蚊, 飲品都係8-13蚊左右, 小食D價錢亦正常
入去時要等一等位,但都好快,個waiter比定menu我地睇,又叫我地可以坐入去裡面d比人等位既長椅度,都唔錯
我地坐吧檯, 落單係自己響order紙上面tick, 但關東煮就要另外同佢叫, 跟住佢整好就會響吧檯裡面遞出黎咁
我叫左一碗咖喱牛肉湯烏冬, 朋友就叫左吉列豬扒烏冬, 另外叫左兩件關東煮一齊食
咖喱牛肉烏冬都算唔錯, 份量同味道合理啦, 未算好好食, 但醫肚的話就相當OK了
朋友個烏冬睇落唔錯,係好少水果種,同我果個浸湯既唔同
關東煮好像2件4蚊, 3件7蚊, 4件11蚊咁上下(唔係好記得,可能記錯)
因為要SHARE所以我地選左芋絲(1份有2件)同燒墨魚丸(有3粒,不過當然係細細粒啦,4蚊你想要幾大粒?), 關東煮似乎好難會唔好食, 所以應該算係一般水準啦
間店店面唔大, 睇個勢都係預你食完就走, 好似快餐咁, 咁見佢出面有人等位,我地都唔阻住人啦, 就埋單轉移陣地去
呢間店d野唔算好正, 但如果食厭m記k記, 又唔想食大餐, 咁都算係一個唔錯既選擇, 尤其是兩三個人打算食完就走咁~
但如果打算食完坐響度吹下水就唔好啦, 即使waiter唔趕,外面排緊隊d人都啤住你地啦
張貼