蘭英印尼小食 (已結業)

今日又再黎食過，可惜老闆娘行開左，得老闆一個做唔切，唯有較慢個燒烤壚慢慢燒，方便自己做第二樣野，結果燒得唔夠香口，有Ｄ失望，另外試左燒花枝丸，味道幾特別，值得一試，貪心Ｄ再加個巴東牛肉黃飯（套餐＄２２蚊包埋野飲），巴東牛肉香腍入味，好有牛柳feel，個炒黃飯粒粒分明，煙煙韌韌，食到底連油都見唔見滴，雖然白飯改黃飯加５蚊，但係即炒得咁好食就乜都抵返，相信都係工多藝熟之故。今次個沙嗲汁唔辣，不及上次個辣沙嗲汁咁好味，同官塘華苑印尼餐廳比串燒類蘭英贏晒，巴東牛肉就各有千秋，如果比較埋價錢，蘭英就真係抵食到冇野好講咯。