犇道 Chef Ben- Cafe & Steak Bar (弦海) (已結業)

之前食過一間西餐廳令我念念不忘，所以專登寫返篇post 記錄下叫左個special set 2人餐（星期六日公眾假期$338，平日$298)每人有湯有沙律有main courses 有飲品勁香濃既薯仔湯，飲落啖啖薯仔香味，味道濃郁至於沙律，蔬菜新鮮又乾淨，顏色鮮艷，口感清爽，高質沙律實屬難得廚師發辦牛扒7安士叫左7成熟，牛裙邊扒牛肉味香濃，切開唔會韌，食落好淋又多肉汁，配埋又粗又香脆既薯條好正，另外不得不提係連d配菜都好出色，蓮藕蔬菜都煮到好淋好入味，認真大大滿足感香煎深海石斑柳配白酒忌廉汁煎到個皮好香脆，有微微索索聲，魚肉香嫩香煎鮑魚蟹膏蟹肉意式燴飯+$98鮑魚上面放左美味醬汁同三文魚子，令到質地唔靭既鮑魚更顯鮮甜燴飯個汁較得剛剛好，唔會太鹹，每粒飯都掛哂汁，味道甘香是日梳打今日係荔枝梳打，有大大粒新鮮荔枝雙倍特濃朱古力+$24朱古力味道好濃郁，個泡沫口感特別，建議攪勻前同攪勻後都飲下，兩種唔同口感，好有驚喜又好味桂圓紅棗茶+$38見隔離枱茶類有個靚靚茶壼，價錢又唔貴，就試下上面茶壺下面茶杯一set 過端上枱，好有美感，飲落味道清甜，唔會過甜總結，環境舒適，望到海，好chill,座位