Mango Mania

營業中

休息中

記得以前北角返學嘅時候，成日都喺和富中心附近覓食，當時商場裏面係一間大型超級市場，係近呢幾年先至改建成，有商舖有食店嘅商場。超級芒果狂熱作為芒果嘅狂熱粉絲，見到呢一個叫做芒果狂熱嘅甜品就梗係要叫返個啦，所謂嘅芒果狂熱其實包含咗多款芒果製品，主角芒果非常厚身咬落非常多汁，果肉香甜可口又甜而不膩，而除咗芒果以外嘅食物亦都冇失禮，芒果布丁幼嫩滑溜，小朋友2分鐘就消滅左。芒果冰磚最近天氣又熱左唔少，兩個小朋友扭計話要食冰，見天氣都唔係太凍就就下佢哋，結果一嚟到真係俾眼前嘅冰磚震撼咗眼球，大大盤嘅冰磚非常壯觀，上面有一大球圓轆轆嘅雪糕，旁邊鋪滿大大塊芒果，中間就係冰，食落去解渴得黎，甜度自然，唔好話兩個小朋友，我同老公自己都好鍾意，雖然係佢哋叫嘅，結果我哋食得仲多過佢哋。