味真越 (已結業)

其實呢間食過幾次架啦！以前食開香茅豬扒撈檬！超正架！一黎佢夠多炸蒜而且仲有好脆！加埋塊豬排又肥瘦適中！食落所有味都好夾！諗返起都回味無窮！但最近，定唔知幾時轉咗老闆/廚師！味道大不如前！一黎豬排細咗而且太瘦，太硬！整體都冇咁好食！只有雞翼我仲覺得還可以吧不過價錢比較貴 撈檬加雞翼已經要99蚊了2樣野！唔單止咁，轉咗廚師/老闆之後我都試過食豬排湯河架！但真係唔太好！因為佢個湯完全冇香料嘅味，睇落去好似放咗好多香料又洋蔥咁！仲要搞到要加魚露先有d咸味！講真有d失望！應該唔會再食了！