紅蔥頭

營業中

休息中

今晚約埋老公去重溫下以前拍拖成日撐枱腳食嘅鐵板餐在屋企附近撐枱腳先～紅蔥頭門口望落都幾有情調，晚餐好多選擇，唔同時段入座都有特價，我地點咗兩個鐵板餐，一個西冷+雞扒，一個牛柳+魚柳，有牛有雞又有魚，跟餐有湯有飲品，鐵板上枱先淋上醬汁！最期待的畫面出現了～「渣渣聲」真係好正！薄西冷好驚喜，肉質鬆軟牛味重，配埋個燒汁，好Juicy，唔覺意已經食左好多舊～雞扒嫩滑好味，老公點的牛柳，牛柳煮得太熟好易會韌，今次呢個8成熟又ok啊，易切開一d都唔韌，唔錯～兩個扒餐份量亦好足夠！飽到上心口，滿足！之後再食埋好耐無食過的法式薯蓉田縲，回憶返哂嚟～經濟實惠的港式西餐，性價比高！