茶房別天神

營業中

休息中

肺炎肆虐，本來四月嘅大阪行程被迫取消😭,好懷念地道拉麵嘅味道，同老公去太古Aeon百貨超市買完野，去二樓間茶房別天神食下拉麵先😉，佢地係用博多拉麵，麵線較幼身，主打兩款豚骨湯底嘅拉麵。我同老公每人叫咗一份拉麵+小食套餐。小龍蝦蟹籽沙律，小龍蝦肉配蟹籽同薯蓉，龍蝦肉算多，用紫菜包住沙律食，口感爽脆得意🤩餃子係豬肉餃子，兩邊煎煎香，肉質juicy😋蝦味噌豚骨湯麵，豚骨湯濃稠適中，冇味精，用豬骨熬煮，好香嘅豬骨味😀,紅櫻花蝦提升咗湯底嘅鮮味，仲配搭葱花同粟米粒同香脆紫菜，賣相吸晴🤩，拉麵掛湯力十足，叉燒厚切，雖然瘦瘦地，不過肉質唔韌，又腍😋，流心蛋嫩滑，蛋黃流心蛋味濃香😋豚骨湯麵就有木耳絲，簡簡單單,配搭葱花、紫菜同叉燒，一樣咁好食😋枱面上放有芝蔴、拉麵汁、拉麵胡椒、七味粉、蒜蓉同紅薑絲嘅調味架，仲有辣芽菜，食客可以隨意加落拉麵，調較自己口味👍🏻，我覺得辣芽菜最好食，辣度適中又爽口😋佢地仲有唔同款式嘅班㦸㗎，下次唔食套餐，同老公食下班㦸先😉埋單店員仲送咗兩包鹽水紙巾俾地，以備不時之需，好窩心呀🥰