阿夫利拉麵 (The ONE)

營業中

休息中

之前去日本食過，有子拉麵嘅清新感覺令人驚艷，而家冇得去日本見到佢開咗嚟香港當然要去懷緬一番啦，餐廳同日本一樣用咗一個自動販賣機，感覺夠晒正宗，而且職員嘅態度10分親切，亦都會主動幫手。黎到就要專登試吓佢嘅招牌柚子鹽拉麵，個賣相真係同日本嘅好類似，好想去旅行呀！拉麵最重要嘅就係湯底，但係今次呢個湯底就有少少失望啦，仲記得去日本時嘅時候係好夾嘅，鹽雞湯嘅濃郁再配合柚子嘅小清新，但係今次就好似就係食到小清新啦，湯底應有嘅濃郁就好似未試到啦，感覺比較淡，雖然都係好味嘅另外再加左一杯Cocktail，配合食拉麵都幾好。