金妹記大排檔 (已結業)

之前已經幫襯過位於尖沙咀嘅金妹記大排檔，最近佢哋喺銅鑼灣開咗分店，有日同朋友喺附近行完街，就決定去呢間新開無耐嘅分店試下。新店牆身嘅裝修好有心思，全部都係麻雀砌成，幾得意。連餐牌同餐墊都係以舊式魚蝦蟹同麻雀設計，好有懷舊嘅感覺。一坐低朋友就叫咗支啤酒，配上佢哋嘅招牌金妹記碗，夠晒特色薯仔牛柳粒似乎係每次食大排檔必要嘅菜式，雖然一疊嘅份量唔算太多，但識落質素幾高。薯仔炸到外脆內軟，牛柳粒都夠晒軟熟，食落無根，調味好足夠好惹味，真係必叫！見到餐牌有比較少見嘅菜式，南乳齋菜煲，入邊分別有西蘭花，茄子，枝竹，芥菜，白菜仔同粉絲粉絲吸收晒南乳嘅味道，好少餐廳有呢個菜式，好有童年回憶。另外店員仲推薦左呢個雞煲雞件嘅份量都幾多，仲有好多木耳炸蒜蔥同洋蔥，食落夠晒惹味，雞都幾嫩滑，分量幾多下乳鴿外脆內軟，朋友讚好不絕。三個人四個菜，加埋白飯，同大排檔必備嘅啤酒，傾傾吓計又係一晚