影片
更多
2018-08-05
272 瀏覽
友人來電相約飯敍，餐廳由我決定，不過就有兩個要求，講明吃飯地點要在銅鑼灣區和想吃港式美食。其實銅鑼灣區嘅本土美食多的是，一時間真的有點難以取捨。記得希慎廣場有間叫「羅麥記」嘅懷舊冰室，餐廳以香港六七十年代做主題，由門面到內裡裝飾都充滿老香港氣味，加上店裡嘅食物，傳統得嚟又有創意，所以都幾受食客歡迎，就一於不作他想，希望會符合到友人嘅心意啦！餐廳位於希慎廣場 14 樓，門口嘅紅色鐵閘非常搶眼，閘外掛了一個鐵皮信箱，而旁邊就擺放咗一系列六七十年代嘅日用品，包括有舊電視、古董收音機、熱水瓶、早已停產嘅火水燈同電風扇等，全部都滿載著港人嘅集體回憶，配上階磚地板，裝潢懷舊得來卻又令人有份親切感。據說「羅麥記」的誕生，是源自於兩位生於七十年代的東主，一位姓羅，另一位姓麥，由於他們對香港有著深厚的感情，因此開設了這間懷舊冰室，藉此帶大家回味一下舊時嘅 Good Old Days。至於另一邊嘅用餐區，牆身上就貼滿了懷舊廣告招牌，當中有好些產品其實早已經停產，令入不勝唏噓！打開店員送上的餐牌，食物分門別類，除了有一系列羅麥經典美食外，其它選項仲包括有土炮小食、蜜糖系列、三文治厚多士、向世界撈面、磚頭焗飯
餐廳位於希慎廣場 14 樓，門口嘅紅色鐵閘非常搶眼，閘外掛了一個鐵皮信箱，而旁邊就擺放咗一系列六七十年代嘅日用品，包括有舊電視、古董收音機、熱水瓶、早已停產嘅火水燈同電風扇等，全部都滿載著港人嘅集體回憶，配上階磚地板，裝潢懷舊得來卻又令人有份親切感。
據說「羅麥記」的誕生，是源自於兩位生於七十年代的東主，一位姓羅，另一位姓麥，由於他們對香港有著深厚的感情，因此開設了這間懷舊冰室，藉此帶大家回味一下舊時嘅 Good Old Days。
至於另一邊嘅用餐區，牆身上就貼滿了懷舊廣告招牌，當中有好些產品其實早已經停產，令入不勝唏噓！
打開店員送上的餐牌，食物分門別類，除了有一系列羅麥經典美食外，其它選項仲包括有土炮小食、蜜糖系列、三文治厚多士、向世界撈面、磚頭焗飯、飯飯掂、麵麵俱備、鐵板時光、飲品及特色甜品等。講真款款都好吸引，若非怕眼闊肚窄，真的想全部都點下來。
先選飲品，友人揀咗黑牛 ($38) 即朱古力雪糕+可口可樂，絕對是完美嘅邪惡配搭，而我就揀咗紅豆冰粒粒奶茶 ($38)。以奶茶打底的紅豆冰，用料十足，奶茶與由紅豆蓉雪成的紅豆冰粒，各佔一半，入口甜度適中，而且茶味濃郁，奶香悠久，伴以紅豆冰粒，喝起來簡直是透心涼，作為炎夏特飲，超爽！
蝦多士 ($60/5件)，成品用上法包做材料代替白麵包，面層塗滿手打蝦膠，撒上芝麻粒，再炸至金黃鬆脆。多士食落軟熟又不會太腍，蝦膠彈牙有蝦味，蘸沙律醬同吃，口感極佳。
之前喺其它分店吃過麥 SIR 乳鴿仔，今次就決定試下呢款西檸蜂蜜配乳鴿仔 ($58)。乳鴿外形雖然稱不上的骰，但件頭亦不算很大，上檯時已一分為四。撕開外皮，入口相當香脆，一點也不油膩，鴿肉嫩滑，保持肉汁，而且由於喺製作過程中加入了檸檬汁同蜂蜜，所以食落多咗一份清香嘅口感，加上醃得夠曬入味，肉也不少，味道超棒。
有餸當然要有飯，選了黃金叉燒炒飯 ($62)，炒飯配料不多，只有叉燒、蛋白同菜粒等，不過飯底炒得粒粒分明，乾身不油，亦屬水準之作。最正就係可以用公雞碗來盛飯吃，特別有 feel，其實呢種公雞碗，坊間已經買少見少。
甜品時間，友人對雪糕興趣不大，反而看中了流心粟米西多，可惜店員稱產品暫停供應，最後選了蜂蜜紅豆西多士 ($28)，西多厚身四正，色澤呈淺金黃，肯定不是用萬年油炸成，上桌時配有一小碟蜜糖，加上牛油放面，賣相吸引！輕咬一口，紅豆餡微甜，連蜂蜜同吃，甜度恰好，有粒粒口感，讚！順帶一提，餐廳不設加一，價錢合理，以銅鑼灣區來說，實屬經濟抵食。
張貼
