小時光 (已結業)

好耐無去過台灣喇, 真係好掛住台灣嘅嘢食, 所以今日專程去小時光食飯, 等自己好似去咗台灣咁。🥢台灣鳳梨牛肉麵套餐配有醃青瓜同一杯飲品 (我揀咗台式奶茶)。牛肉係半筋半肉, 牛筋軟腍, 食完有種充滿骨膠原嘅感覺, 牛肉嫩身, 充滿牛肉香氣。麵條係典型台灣麵條, 比教粗身有咬口。因為加咗鳳梨, 所以個湯底中和咗本身紅燒牛肉麵嘅辣, 變得有少少甜。不過衛生方面真係要好好改善, 喺其中一塊菠蘿同紅蘿蔔上面發現眼睫毛, 如果要比分真係會扣到負分…好多地方適合打卡, 不過整體食物一般, 好大機會唔會再去。