梨滿園韓國料理 (已結業)

呢間韓國嘢充滿懷舊風味，餐廳服務好好，而且座位坐得舒服。我叫咗烤牛肋骨，呢個真係必食！超好味！牛肋骨醃製得好好味，夠入味，食落去肉質又夠林，牛味又夠香，唔使再調味都好好食。店員話用生菜包再加醬汁及配菜一齊食，真係估唔到味道更加昇華。同一般韓式燒肉唔同，特別好食！韓式壽司味道都唔錯，一客有10件，叫咗豬肉餡。餡料有青瓜、紅蘿蔔、蛋及豬肉等。咬落爽爽地。叫咗炸雞，炸雞好香口，有多款味道選擇。揀咗甜辣味及蜜糖味，兩款都好食，個人比較鍾意食蜜糖味。再加個泡菜煎餅食到飽飽。