影片
更多
2018-12-19
375 瀏覽
放工去探朋友，嚟到置富花園，對我嚟講真係山咔嚹之地，完全唔知晚飯食咩好，好彩有個置富南區嘅廣場。廣場好90年代，行下行下行出平台，見到有金記冰室，銅鑼灣果間咁好食，梗係食呢間。環境以懷舊為主題，但加海船為配搭，咁既裝潢組合幾新鮮，於是心水食個海陸雙拼夾薯菜，配蒜蓉汁，跟餐要紅湯... 😋紅湯材料好多，有椰菜、紅蘿蔔、蕃茄、洋蔥、西芹... 飲落仲辣辣地，好開胃。海陸雙拼鐵板燒到㷫烚烚，一淋蒜蓉汁上去，鐵板就吱吱喳喳，聽到都覺得爽 😂 又魚柳又豬扒，仲大盤薯條，yummy yummy😆😆😆 全部都熱辣辣，又香又脆。食飽再嘆一個懷舊特飲 - 蛋白杏仁茶，蛋白滑一滑，杏仁味香濃，完滿好滋味❣️
環境以懷舊為主題，但加海船為配搭，咁既裝潢組合幾新鮮，於是心水食個海陸雙拼夾薯菜，配蒜蓉汁，跟餐要紅湯... 😋
紅湯材料好多，有椰菜、紅蘿蔔、蕃茄、洋蔥、西芹... 飲落仲辣辣地，好開胃。
海陸雙拼鐵板燒到㷫烚烚，一淋蒜蓉汁上去，鐵板就吱吱喳喳，聽到都覺得爽 😂 又魚柳又豬扒，仲大盤薯條，yummy yummy😆😆😆 全部都熱辣辣，又香又脆。
食飽再嘆一個懷舊特飲 - 蛋白杏仁茶，蛋白滑一滑，杏仁味香濃，完滿好滋味❣️
張貼
