新園興記燒臘飯店 (已結業)

呢間新園興燒味，可以話係由我懂事以黎，已經見到佢😄睇到佢嘅裝修，已經知佢歷史悠久，我最愛就係佢個⭐️油雞瀨粉⭐️，由佢10幾蚊一碗，食到今時今日嘅$38！呢度可以話係冇乜服務可言，喺度堂食，店員唔會俾你問多兩句，如果你叫嘅係叉燒，想問佢攞姜蓉？No way😅！佢會直接答你 有油雞或切雞先會配俾你😅講返點解我咁愛呢度嘅⭐️油雞瀨先～佢嘅油雞非常之嫩滑，就算係雞胸位都好有水準，個皮唔會好似外面嘅油雞咁深色，但係又非常之夠味，甜豉油嘅比例啱啱好！而且係用上幼身嘅瀨粉，即叫即煮，所以口感好好！希望佢一路都保持呢個水準，等我可以間中都食下😋