麵檔

營業中

休息中

時代廣場附近疫情之下轉左好多新舖，其中麵檔就係一直想去既餐廳🤤裝潢加入公屋特色，佈置亦有好多經典懷舊元素，連playlist都係八九十年代廣東歌，估唔到車仔麵店都可以咁特別🥰🔸瑞士雞翼/酸甜齋/春卷/滷水蛋/咖喱魚蛋米粉車仔麵質素好參差，難得呢度每款配料味道都唔錯🙆🏻‍♀️瑞士雞翼夠入味，咖喱魚蛋亦幾彈牙。春卷係魚肉春卷，兩大條好夠份量。最推介係酸甜齋同埋滷水蛋🥇酸甜齋調味適中，而且三塊都好厚有咬口；滷水蛋一整隻上，原來入面做到溏心蛋效果，大推♥️🔸香辣水魷/五香牛腩/爆汁潮州牛丸/清湯蘿蔔/酸甜齋粗麵試咗朋友少少餸，最鍾意水魷香口而帶少少辣勁，牛丸夠彈牙肉味濃郁。聽講蘿蔔都好似幾入味，下次再講一定要試吓🙆🏻‍♀️可以選配既秘製辣醬辣度幾足，重口味人士要試下🔥值得一提呢度唔止碗大，配料同麵份量都好足，麵控必到！！！