影片
更多
2023-03-30
746 瀏覽
今日收早，同朋友嚟鰂魚涌呢間「樓下冰室」整番個下午茶。餐廳走懷舊復古風，店內掛滿飯店、士多、電影院、歌舞廳、豉油西餐等招牌，加上場內嘅霓虹燈牌，裝潢別具特色，滿載本土文化色彩。點咗客自家製蔥花叉燒滑蛋飯，另外再加咗一份小食同兩個下午茶餐。呢個蔥花叉燒滑蛋飯 ($59) 嘅組合非常完美，叉燒半肥瘦，肉質相當腍滑，入口甘香鬆化。滑蛋炒得啱啱好，香味十足，加上粒粒蔥花，絕對係不敗之選！德國雜腸 ($40) 雜腸一碟有四款，芝士腸皮脆肉香，入口芝味十足；豬肉腸肉味好濃郁，肥而不膩，食落彈牙有口感。至於兩份下午茶餐就揀咗招牌瑞士雞髀配粟米雜果沙律 ($45) 同 西多士 ($34)。雞髀大大隻，外層雞皮用瑞士汁滷透，內裡雞肉很嫩滑，甜中帶鮮，入味又好吃。伴吃嘅雜果沙律都好有驚喜，用料十足，甜美又可口。西多士用傳統港式做法炮製，以蛋漿炸至金黃色，內裡夾著粗粒花生醬，入口外脆內鬆軟，配上面頭嘅牛油和甜滋滋嘅糖漿，邪惡又美味！下午茶餐奉送即磨咖啡或茶，凍飲+$3、特飲+$12。點咗紅豆咖啡同紅綠椰冰，咖啡味道很香濃，配上綿密嘅紅豆，啖啖滋味。紅綠椰冰原來係紅豆、綠豆加椰汁冰嘅配搭，椰汁味道很香濃，冰
今日收早，同朋友嚟鰂魚涌呢間「樓下冰室」整番個下午茶。
餐廳走懷舊復古風，店內掛滿飯店、士多、電影院、歌舞廳、豉油西餐等招牌，加上場內嘅霓虹燈牌，裝潢別具特色，滿載本土文化色彩。
點咗客自家製蔥花叉燒滑蛋飯，另外再加咗一份小食同兩個下午茶餐。
呢個蔥花叉燒滑蛋飯 ($59) 嘅組合非常完美，叉燒半肥瘦，肉質相當腍滑，入口甘香鬆化。滑蛋炒得啱啱好，香味十足，加上粒粒蔥花，絕對係不敗之選！
德國雜腸 ($40) 雜腸一碟有四款，芝士腸皮脆肉香，入口芝味十足；豬肉腸肉味好濃郁，肥而不膩，食落彈牙有口感。
至於兩份下午茶餐就揀咗招牌瑞士雞髀配粟米雜果沙律 ($45) 同 西多士 ($34)。雞髀大大隻，外層雞皮用瑞士汁滷透，內裡雞肉很嫩滑，甜中帶鮮，入味又好吃。
伴吃嘅雜果沙律都好有驚喜，用料十足，甜美又可口。
西多士用傳統港式做法炮製，以蛋漿炸至金黃色，內裡夾著粗粒花生醬，入口外脆內鬆軟，配上面頭嘅牛油和甜滋滋嘅糖漿，邪惡又美味！
下午茶餐奉送即磨咖啡或茶，凍飲+$3、特飲+$12。點咗紅豆咖啡同紅綠椰冰，咖啡味道很香濃，配上綿密嘅紅豆，啖啖滋味。
紅綠椰冰原來係紅豆、綠豆加椰汁冰嘅配搭，椰汁味道很香濃，冰塊份量適中，加埋紅豆、綠豆，口感一流！
張貼
