鳳城酒家 (已結業)

呢日同家人去到黃埔行街，想同家人食啲特色懷舊菜式， 於是決定同家人喺度食晚飯。堂食優惠可以揀堂剪乳豬、超值孖寶 ，或者海鮮五層塔， 呢啲精選菜式最抵食。醃製酸蘿蔔酸甜比例剛剛好，又爽脆又入味，酸酸甜甜好開胃，出面啲餐廳已經好少食到，唔錯! 我哋揀咗堂剪乳豬， 四個人可以要半隻，乳豬外皮燒得香脆，食落啖啖肉 雖然冇咩脂肪，但肉質嫩滑入味，真係超抵食呀! 因為我哋想試啲特色菜，所以其他菜式主要叫返啲順德特色小菜。馳名順德桂魚卷好大份，魚肉炒得鮮嫩，每件魚卷中間夾有筍絲、冬菇絲，或者金華火腿絲，真係好考功夫， 食完令人好回味! 順德小炒王香口惹味，唔單只有蝦乾、仲有土魷絲，所以零舍惹味香口，配埋爽脆香口嘅韭菜花，仲有香脆嘅腰果，送飯送酒一流。大良野雞卷係順德名菜，香港好少地方有得食，我 都係第一次試，食落好得意，外皮鬆脆充滿油香，中間有層肥肉，夾住啲臘肉一齊炸，呢碟餸好香口， 每人食兩三件剛剛好。西米焗布甸好少酒樓有得食，都係一啲老牌酒樓先有得食，我哋當然 一定要啦! 西米布甸唔會好甜，中間夾有蓮蓉餡，西米煮得煙韌，布甸面頭焗到焦焦地 真係好懷念好美味，整得好好食，正! 最後酒樓送咗啲橙畀