影片
更多
2022-06-10
51 瀏覽
喺銅鑼灣又有多一間車仔麵嘅選擇啦🤩 依間餐廳係走懷舊路線嘅，無論係餐廳嘅裝修，播放嘅歌曲，餐牌改嘅食物名，都充滿住懷舊風~講完餐廳嘅環境之後就到最重要嘅食物質素啦。首先講下個湯底先，我哋兩個人分別都揀左腩汁，另外再揀左懷舊沙嗲醬同埋秘製辣醬 (兩款醬都係分開放喺匙羹入面比顧客自己調校湯嘅辣度) 湯頭味道幾濃郁唔錯。麵嘅話就分別揀左油麵同埋粗麵，份量都幾多，麵質就軟硬適中，屬正常發揮。餸方面我哋就叫左一個四餸麵同五餸麵。四餸麵 ($50)：南乳豬手 (南乳味幾香，炆得幾腍)、沙嗲豬皮 (夠入味)、香辣豬紅 (質地較鬆散，冇乜味)、爆汁潮州牛丸 (味道正常，但好似唔多覺有爆汁嘅感覺)五餸麵 ($56)：滷水孖筋 (夠腍夠入味)、墨魚丸 (質地比較粉) 、牛柏葉 (爽口入味)、沙嗲豬皮、爆汁潮州牛丸價錢方面十分親民，位於時代廣場隔離嘅店舖，最平嘅三餸車仔麵都只係$42，真係算幾抵食。
講完餐廳嘅環境之後就到最重要嘅食物質素啦。首先講下個湯底先，我哋兩個人分別都揀左腩汁，另外再揀左懷舊沙嗲醬同埋秘製辣醬 (兩款醬都係分開放喺匙羹入面比顧客自己調校湯嘅辣度) 湯頭味道幾濃郁唔錯。
麵嘅話就分別揀左油麵同埋粗麵，份量都幾多，麵質就軟硬適中，屬正常發揮。
餸方面我哋就叫左一個四餸麵同五餸麵。
四餸麵 ($50)：南乳豬手 (南乳味幾香，炆得幾腍)、沙嗲豬皮 (夠入味)、香辣豬紅 (質地較鬆散，冇乜味)、爆汁潮州牛丸 (味道正常，但好似唔多覺有爆汁嘅感覺)
五餸麵 ($56)：滷水孖筋 (夠腍夠入味)、墨魚丸 (質地比較粉) 、牛柏葉 (爽口入味)、沙嗲豬皮、爆汁潮州牛丸
價錢方面十分親民，位於時代廣場隔離嘅店舖，最平嘅三餸車仔麵都只係$42，真係算幾抵食。
張貼
