嘉嘉餅店 (已結業)

呢排突然間好想食懷舊酥餅，例如:老婆餅、棋子餅、豆沙酥、綠豆酥等等。經過呢間老字號餅店，見到有唔少嘅酥餅，即刻買番啲嚟試吓。買咗兩個老婆餅同埋兩個豆沙酥，$12 兩個，價錢都可以接受。本來對豆沙酥抱有期望，因為好食嘅豆沙酥啲豆沙真係可以好香，呢個豆沙酥就麻麻地，餡料唔夠多，豆沙亦唔夠香，同埋太甜。反而老婆餅幾好食，餡料比較多，食落煙煙韌韌，好似糯米糍咁，又唔會太甜，都幾好食！如果下次經過，再試吓其他酥餅，不過就未好食到要專登再嚟啦！