花園餐廳 (康寧道)

營業中

休息中

爸爸生日話想食同媽媽細個嗰陣拍拖食嘅咋咋聲懷舊鐵板餐。浪漫嘅咋咋聲係青春的配樂😌所有扒都可以揀黑椒汁或者洋蔥汁。呢兩種汁都係同茶餐廳嘅汁差唔多，黑椒會有黑椒辣味，洋蔥就會帶甜。侍應會行埋黎倒汁，一到就好似張相咁煙霧離漫同有咋咋聲🤩🐓美式什扒 $108一堆豬牛雞肉。豬肉嘅代表有扎肉，雞嘅代表有雞翼同雞扒。另有一塊牛扒。有一條我最憎嘅小棠菜做伴碟。因為太多肉，感覺都是膽固醇。🤣🇦🇺澳洲鐵板T骨牛扒 $108 叫咗七成熟有驚喜。上碟熟度七成，鐵板嘅餘溫令佢熟到8至9成。即使係咁熟，肉質仍然好嫩，一cut即斷，唔使出動牛扒切極刀。呢塊肉扒根本係我三日食肉嘅份量。🥩🥩🥩🐮鐵板西冷牛扒 $88 都係叫咗七成熟比T骨就比下去了。同樣係七成熟，但係肉質唔嫩，比茶餐廳少了雪藏味，但肉質一般。🍟 跟餐薯條舊式粗薯條，機切，少油，普通薯味。🍹 跟餐凍檸茶茶餐廳級數。🍞 跟餐餐包舊式西餐餐包，甜，配牛油。包嘅熱力永遠都唔夠令舊牛油溶，反而入口有舊牛油咬下仲好味。🥣 跟餐羅宋湯超級熱，辣親個咀。足料，有肉渣，有滿滿菜同洋蔥，睇得出唔係罐頭湯，好有誠意。順帶一提唔同區嘅花園餐廳係唔同價錢的。