松記糖水店 (已搬遷) 新店位置

吃完晚飯，例牌來個糖水，老友食家事先聲明唔去食"king of 湯丸"。哈哈...就算你話去小弟都唔肯過你la...都係來呢度穩陣D，話晒食慣食熟ma。話雖如此，實際上小弟都係第一次來佐敦分店(深水埗總壇就食過N咁多次)，兩間水準應該唔會有太大分別嘅...嚟親都係獨沽兩味--- 雪山及六寶湯丸。天氣熱，選擇咗久未品嘗嘅雪山...大粒西米及丸子加上椰汁糕，成碗嘢白雪雪，配上碎曲奇雪糕本來係絕配，偏偏今次不倫不類要咗個芝蔴，大煞風景...不過，食落依然透心涼，味道亦依然不錯...望落去size好似細碗咗，而價錢亦作相應調整，公道吖...