影片
更多
2019-06-26
399 瀏覽
今日係星期三，約左朋友食飯佢好想打邊爐，話美國🇺🇸果d唔夠香港味於是去左旺角嘅火水爐店舖嘅裝修好有香港70/80年代特色因為我地好早就去到 店員還在準備中我地食HKD258/位嘅套餐，2個鐘任食。叫左個濃厚花膠雞湯鍋，仲落火鍋料前飲咗雞湯先足料大花膠同雞，味道都濃郁。套餐有包海鮮拼盤：蝦、生蠔、蜆、脆魚腩，仲有魷魚🦑膠。當然有叫安格斯牛肉、黑毛豬肉片，比起肥牛我哋更加鍾意食安格斯牛肉，脂肪含量均勻，冇咁肥膩。好驚喜佢嘅海鮮同肉都好新鮮，特別係啲蝦：原來啲蝦頭仲有啲蝦膏好新鮮一啲回味都冇，肉質都好彈牙鮮甜。另外魷魚🦑膠入邊有馬蹄粒，食落爽口，唔會一pat pat。我地order安格斯牛同埋黑毛豬肉片最頻密，其實我朋友唔多鐘意食豬肉，但今次佢食左好幾碟，味道唔洗多講。食蝦嗰陣時，唔小心將啲蝦膏彈左落件衫度，店員見到俾咗件圍裙我哋，見到火鍋冇湯，會自發加湯、收空碟同食物渣。成個過程都食得好舒服。其實係可以轉湯底嘅，有四款俾你揀，湯底由濃到淡，任君挑選。可惜我哋食得慢，冇轉到湯底下次可以叫多啲朋友一齊嚟食，咁就可以食多啲唔同款嘅嘢
今日係星期三，約左朋友食飯佢好想打邊爐，話美國🇺🇸果d唔夠香港味
於是去左旺角嘅火水爐
店舖嘅裝修好有香港70/80年代特色
因為我地好早就去到 店員還在準備中
我地食HKD258/位嘅套餐，2個鐘任食。叫左個濃厚花膠雞湯鍋，仲落火鍋料前飲咗雞湯先
濃厚花膠雞湯鍋
33 瀏覽
0 讚好
0 留言
雞湯
15 瀏覽
1 讚好
0 留言
足料大花膠同雞，味道都濃郁。套餐有包海鮮拼盤：蝦、生蠔、蜆、脆魚腩，仲有魷魚🦑膠。當然有叫安格斯牛肉、黑毛豬肉片，比起肥牛我哋更加鍾意食安格斯牛肉，脂肪含量均勻，冇咁肥膩。
海鮮拼盤
21 瀏覽
0 讚好
0 留言
安格斯牛肉
11 瀏覽
0 讚好
0 留言
好驚喜佢嘅海鮮同肉都好新鮮，特別係啲蝦：原來啲蝦頭仲有啲蝦膏好新鮮一啲回味都冇，肉質都好彈牙鮮甜。另外魷魚🦑膠入邊有馬蹄粒，食落爽口，唔會一pat pat。我地order安格斯牛同埋黑毛豬肉片最頻密，其實我朋友唔多鐘意食豬肉，但今次佢食左好幾碟，味道唔洗多講。
火鍋配料
30 瀏覽
0 讚好
0 留言
火鍋配料
32 瀏覽
0 讚好
0 留言
食蝦嗰陣時，唔小心將啲蝦膏彈左落件衫度，店員見到俾咗件圍裙我哋，見到火鍋冇湯，會自發加湯、收空碟同食物渣。成個過程都食得好舒服。
雜果紅豆涼粉冰
20 瀏覽
0 讚好
0 留言
其實係可以轉湯底嘅，有四款俾你揀，湯底由濃到淡，任君挑選。可惜我哋食得慢，冇轉到湯底下次可以叫多啲朋友一齊嚟食，咁就可以食多啲唔同款嘅嘢
張貼
