西餐大排檔 (已結業)

第一眼見到個餐廳名的感覺就係覺得幾得意, 又“西餐”又 “大排檔”咁, 究竟係港式餐廳 定 西餐廳呢?? 唔通係 “大排檔”!? 行入餐廳就發現原來係一間裝修充滿懷舊風格的西式餐廳. 地方雖不算太大, 但四四正正, 而且服務員態度親切. 燒吞拿魚沙律配千島汁 細細件的吞拿魚肉燒至半熟, 外層焦香而裡面啲肉仲保持住粉紅色的半生狀態, 肉質軟腍. 沙律菜新鮮爽脆, 再加埋入口即爆的乳酸味爆珠, 令口感同味道的層次更豐富. 艾迪乳鴿 乳鴿上枱時仲係熱辣辣, 外皮香脆又唔會油淋淋, 而且乳鴿啲肉都幾厚下, 口感細嫰又多汁, 真係令人食到停唔到口~ 米酒煮青口 之前食過的酒煮青口, 啲餐廳通常都係用白酒煮, 而且青口味道都係比較偏鹹. 而呢到的餐廳就用左中國米酒煮, 都幾特別. 青口鹹度適中, 食到淡淡鮮甜味, 肉質都幾肥美細嫩. 燒西班牙黑毛豬肉眼蓋 份量都幾大件, 初時切開見到粉紅的肉仲以為俾錯左牛扒. 再三確認下, 原來真係我地叫嘅黑毛豬豬扒. 第一次食半生的豬扒, 講真係有少少擔心. 但一食落口就非常驚喜, 肉質非常之軟腍而無渣，仲好多肉汁. 肉味好香但又食唔到有豬的獨有