蘭香茶餐廳 (已搬遷) 新店位置

第二次嚟呢間茶餐廳，都係貪佢夠快，唔貴，多士大塊，我的要求真係好低。今次點了一份抵食午餐，$35 有牛油多士，茄汁火腿燴意粉，鮮奶；呢份餐真係好似我小時候食嗰啲冰室午餐，牛油多士夠大塊，趁熱食好好味，樽裝鮮奶又比紙包的好飲好多，茄汁火腿燴意粉賣相唔靚，但個茄汁酸酸甜甜配意粉好易入口，就像食兒童餐的感覺。總括嚟講，坐在呢間茶餐廳加上這份午餐，我感覺好似返番去幾十年前，好懷舊！