皇后飯店 (已結業)

歲月催人，我由大學畢業已經有好多年，我亦因此無再去過又一城。雖然時間⏳不斷流逝，好多喺又一城嘅餐廳亦轉咗手，但唯一不變嘅係，呢間由20多年前已經喺商場屹立不倒嘅《皇后飯店》👑香港🇭🇰有唔少老字號嘅西式扒房，但唯獨是《皇后飯店》嘅裝修依然好中西夾雜，環境亦都相對乾淨，美輪美奐。一入到去，彷彿去返舊時嘅香港。今日我就同以前嘅大學同學光顧《皇后飯店》，喺呢個有歷史嘅餐廳緬懷大學時期嘅美好回憶😊《皇后飯店》嘅晚餐menu選擇非常多，由鐵板雞扒、龍蝦、安格斯牛扒到比目魚柳不等。而前菜方面，亦有沙律🥗、田螺、青口。不論你係咪肉食愛好者，呢度總有一款食物適合你。我哋就揀咗沙律、青口作為前菜；鵝肝牛柳，同埋串燒黑毛豬柳作為主菜，主菜嘅質素屬中上水平，特別一提嘅係，d肉煎得好夠香口，好有港式俄菜嘅味道。我哋喺度渡過咗一個充滿回憶嘅晚上🌃。我哋就好似《皇后飯店》咁，雖然歲月催人，但不變嘅係嗰份歷史、嗰份回憶。