百利冰室

營業中

休息中

我地最鍾意去傳統舊式既冰室搵食, 今日就去左位於西灣河既百利冰室。呢間冰室開業多年, 仲可以保留傳統既食物味道, 無太多花巧野。即炸懷舊蝦多士($28/件) 咁特別當然要一試, 大大件, 餡料十足, 蝦膠勁彈牙, 必食推介。沙拉骨飯 ($45, 包熱飲)沙拉骨係佢地既招牌菜之一, 沙拉骨既份量都幾多, 啖啖肉, 酸酸地好開胃, 配上爽脆既西生菜一齊食, 感覺清新。南乳雞脾煎雙蛋茄汁飯 ($45, 包熱飲)個蕃茄汁酸酸地好開胃, 雞脾好香南乳味, 肉質尚算滑溜, 加上少少蔬菜同雜豆, 同2隻太陽蛋, 感覺好似以前中學食午餐既味道, 大大碟好抵食。