影片
更多
2021-05-15
318 瀏覽
今日貓麵門前出現左一條小人龍，排隊期間已經見到老闆娘啤一啤條人龍，然後好大聲話：「睇怕要到宵夜先有得食飯！」個刻已經知道老闆娘因為太多客令佢沒時間食飯而心生不滿，而終於輪到我落order 時，因老闆娘把聲太沙啞又隔著口罩甘講，令我聽唔清楚佢問咩而被佢不斷串，我趁佢轉身入去食飯時...(沒錯，佢係會趁個客落落下order時突然唔出聲自己轉身去食飯)忍唔住同男友呻左句：「其實帶住口罩講野真係聽唔清楚...」我意思係其實大家可以互相包容一下，誰不知，老闆娘即刻衝出黎話：「咩而家香港政府宣佈左可以唔使戴口罩喇咩？」我真係即刻俾佢嚇到呆一呆，由落order個一刻起已經不斷比佢沒禮貌甘對待，而我只係趁佢轉身同男友輕輕地呻左一句，甘都可以又撻著佢，不過，如果d食物係好味既，我都仲可以接受佢串得起，但事實係，十！分！難！食！啖冷麵一入口已經食得出鹼水味好重，仲有好大陣雪藏味，個刻已經知大鑊，食左兩啖真係接受唔到，成碗丟左，最慘係食完沒耐即刻肚痛😭.......到目前為止已經痾左3次😭.........呢刻先知原來ig同openrice真係好多打手post......其實良心小店仲有好多選擇，例如1樓既
排隊期間已經見到老闆娘啤一啤條人龍，然後好大聲話：「睇怕要到宵夜先有得食飯！」
個刻已經知道老闆娘因為太多客令佢沒時間食飯而心生不滿，
而終於輪到我落order 時，
因老闆娘把聲太沙啞又隔著口罩甘講，
令我聽唔清楚佢問咩而被佢不斷串，
我趁佢轉身入去食飯時...(沒錯，佢係會趁個客落落下order時突然唔出聲自己轉身去食飯)忍唔住同男友呻左句：「其實帶住口罩講野真係聽唔清楚...」我意思係其實大家可以互相包容一下，
誰不知，
老闆娘即刻衝出黎話：「咩而家香港政府宣佈左可以唔使戴口罩喇咩？」
我真係即刻俾佢嚇到呆一呆，
由落order個一刻起已經不斷比佢沒禮貌甘對待，
而我只係趁佢轉身同男友輕輕地呻左一句，甘都可以又撻著佢，
不過，
如果d食物係好味既，我都仲可以接受佢串得起，
但事實係，十！分！難！食！
啖冷麵一入口已經食得出鹼水味好重，
仲有好大陣雪藏味，
個刻已經知大鑊，
食左兩啖真係接受唔到，成碗丟左，
最慘係食完沒耐即刻肚痛😭.......
到目前為止已經痾左3次😭.........
呢刻先知原來ig同openrice真係好多打手post......
其實良心小店仲有好多選擇，例如1樓既芝士叔叔，食物質素真心好味又有禮貌，但偏偏沒咩人流，
3樓既屯之大阪燒都超級足料好食，同樣地都超有禮貌，
奉勸睇到呢個post既大家，
唔想肚痛又肚痾，
就唔好再去排隊，
等老闆娘有大把時間可以慢慢食飯，由朝食到黑，唔使再餓親，
希望有飽飯食後佢心情可以靚返d喇
15 瀏覽
1 讚好
0 留言
張貼
