四季餐廳

營業中

休息中

其實幫襯得屋邨茶餐廳，都唔會對服務質素有任何期望，但都無諗過係咁差。入到去未有位，收銀叫我出門口攞飛等位，等咗五分鐘左右有其他客直接行咗入去，侍應竟然即刻執檯俾佢坐，我即刻埋去話明明係我到先，又有攞飛排隊，點解會俾位人哋先？個侍應話係人哋到先，叫我啱啱到就等吓先，我即刻望住個收銀，我話係收銀嗰個叫我出門口攞飛等位嘅，個收銀竟然扮聽唔到，然後個侍應仲好無禮貌咁話”得啦，有位咪俾你囉”⋯⋯佢哋係完全唔覺得自己有問題，縱容打尖行為，管理混亂又無禮貌又唔講道理，差！差！差！