影片
更多
2021-09-23
2562 瀏覽
超級差嘅酒樓，今晚去咗合和薈軒食飯，首先門口嗰位長攣髮女人，明明見到有人等位，都要叫咪入面响人出嚟先問你幾位，叫出嚟嗰個肥女人一直攞住個手提傾，都唔知係咪帶位☹跟住見到隻杯周圍都係奶黃色嘅物體，叫咗個極品女人問佢有冇其他可以換，佢仲要悔氣咁話放低啦😡之後叫咗隻片皮鴨兩食同菜煲，隻鴨好快，唔夠15分鐘就到，不過個師父切得好差，話明片皮鴨梗係食個皮，佢就切埋3cm嘅肉，都冇所謂，反正都唔好食，最嬲嘅係之後等咗45分鐘都未上菜，就問番之前嗰個極品女人，問完佢又唔出聲，之後走咗，見佢有去睇吓部機，以為佢轉頭覆，點知佢走去同啲伙記吹水，真係佛都有火， 仲要炒完個餸出嚟都唔知去整咗啲乜嘢 ，睇見都冇胃口，同兩年前嘅薈軒根本兩回事，如果冇心搞酒樓不如執咗佢啦！以後都唔會幫襯
張貼